Яр Чаллыда социаль приютлардан һәм балалар йортларыннан балалар өчен слет узды

2025 елның 27 октябре, дүшәмбе

25 октябрьдә Аксубай районының «Хыял» балалар һәм яшүсмерләр социаль приютында тәрбияләнүчеләр Яр Чаллыда узган чарада катнаштылар. Социаль приютлардан һәм балалар йортларыннан балалар өчен слет «Каенкай» ял базасында узды һәм балаларга онытылмаслык тәэсирләр бүләк итте.

Тәрбияләнүчеләр өчен бай программа әзерләнгән иде, анда зур курчак белән концерт, иҗади мастер-класслар, күңелле стартлар һәм төрле конкурслар бар иде. Аниматорлар хәрәкәтчән уеннар, дискотека оештырдылар. Балалар прическалар, макияж һәм аквагрим белән экспериментлар үткәрә алдылар.

Өстәлләрдә төрле-төрле һәм тәмле ризыклар бар иде. Барлык катнашучылар да яхшы кәеф һәм бүләкләр белән таралыштылар.