Социаль хезмәт күрсәтү учреждениеләрендә Әтиләр көненә багышланган чаралар үткәрелә
17 октябрьдә Лениногорск районының «Исток-Башлангыч» халыкка социаль хезмәт күрсәтү комплекслы үзәге социаль педагогы Оксана Лямова «Әти өчен сюрприз» дигән мастер-класс үткәрде. Чарада социаль хезмәт алучылар катнашты. Алар бәйрәмнең тарихын белделәр, әтиләре өчен открыткалар ясадылар.
Теләче районы «Чишмә» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Ләйсән Хөсәенова менталь тайпылышлары булган кешеләрне адаптацияләүгә һәм аларга ярдәм итүгә юнәлдерелгән «Ярдәм кулы» программасы кысаларында «Әтиемне котлыйм» дигән дәрес үткәрде. Чарада катнашучы кыз кул эше ясады.
«Гаилә» илкүләм проекты кысаларында «Тәтеш балкышы» халыкка социаль хезмәт күрсәтү комплекслы үзәгенең социаль хезмәт алучылары булган гаиләләр «Әтилек – гади эш түгел» уенында катнаштылар. Уенда бергәләп катнашудан тыш, балалар әтиләре өчен кул эшләре дә ясадылар.