Спас интернат-йортында яшәүчеләр дөя фермасында булып кайттылар

2025 елның 17 октябре, җомга

«Гаилә» илкүләм проекты кысаларында гамәлгә ашырыла торган «Актив озын гомерлелек» программасы кысаларында Спас өлкәннәр һәм инвалидлар интернат-йортының социаль хезмәтләр алучылары өчен тәрбияче Ирина Телицына Өч Күл авылындагы питомникка экскурсия оештырды.

Үзенчәлекле музей-паркта, ачык һавадагы оригиналь экофермада кунаклар дөяләр турында күп кенә кызыклы фактлар ишеттеләр, аларның нәрсә белән туклануын күрделәр. Аларга шулай ук дөя йоныннан эшләнгән әйберләрне күрсәттеләр, дөя сөтенең туклыклылыгы югары булуын билгеләделәр.