Яр Чаллы шәһәренең «Кояшкай» мөмкинлекләре чикләнгән балалар һәм яшүсмерләр өчен тернәкләндерү үзәгендә мәктәпкәчә яшьтәге балалар өчен «Көзге марафон» инклюзив спартакиадасы узды.
Эстафеталарда 84 нче һәм 18 нче балалар бакчалары, «Асылташ» социаль приюты һәм «Кояшкай» тернәкләндерү үзәге командалары катнашты. Балаларга ярдәм итәргә җанатарлар, шулай ук күңелле клоуннар килде. Яшь спортчыларны кызыклы һәм катлаулы сынаулар көтте. Балалар барлык биремнәрне дә бик яхшы үтәделәр.