Балтач районында өлкән кешене юбилее белән котладылар

2025 елның 24 сентябре, чәршәмбе

Балтач районында Зәкия Зарипова 95 яшьлек юбилеен билгеләп үтте. Юбилярга Россия Федерациясе Президенты Владимир Путин исеменнән шәхси котлау хаты, Балтач муниципаль районы, авыл җирлеге, социаль яклау бүлеге башлыгы исеменнән рәхмәт хаты һәм кыйммәтле бүләкләр тапшырылды.

Зәкия Зарипова озак еллар мәктәп директоры булып эшләгән. Һәрвакыт бик актив була, концертларда һәм иҗтимагый чараларда катнаша ул. Хатын-кыз медальләр, грамоталар, рәхмәт хатлары белән бүләкләнгән. Пенсиягә чыккач, Зәкия Зарипова күп еллар авыл җирлекләренең берсендә Ветераннар советын җитәкли.

Бүгенге көндә өлкән яшьтәге кешене социаль хезмәткәр Фәридә Чуртанова карый.