Зәйдә хезмәт җитештерүчәнлеген арттыру проектын гамәлгә ашыру башланды
19 сентябрьдә Зәй районының «Шатлык» халыкка социаль хезмәт күрсәтү комплекслы үзәгендә «Хезмәт күрсәтү графигын формалаштырудан алып социаль хезмәт күрсәтүнең индивидуаль программасын үтәүгә кадәр чикләрдә өлкән яшьтәге гражданнарга өйдә хезмәт күрсәтүне тәэмин итү эшләрен оештыру» дигән карарны гамәлгә кертү буенча старт киңәшмәсе булды.
«Шатлык» үзәге 2025 елда «Хезмәт җитештерүчәнлеге» федераль проекты кысаларында хезмәт җитештерүчәнлеген арттыру чараларында катнашучы учреждениеләр рәтенә керде. Димәк, тиздән күрсәтелә торган социаль хезмәтләрнең сыйфаты сизелерлек артачак, ә белгечләрнең хезмәт эшчәнлеге оешканрак һәм уңайлырак булачак.
Хәзерге вакытта өлкән яшьтәге гражданнарга өйдә социаль хезмәт күрсәтү процессында катнашучы белгечләрдән эшче төркем төзелде. Эшче төркемнең барлык әгъзалары да тиешле укулар узды. Якын көннәрдә алар өйрәтү тренингларында катнашачаклар һәм проектның мәгълүмати үзәген эшләүгә керешәчәкләр.
Тартмалы чишелешне эшләтеп җибәрүдә катнашу өчен Зәйгә Татарстан Республикасы хезмәт, халыкны эш белән тәэмин итү һәм социаль яклау министры урынбасары Юлия Абдреева килде.