Лаешта тернәкләндерү үзәгендә хәтер сәгате узды

2025 елның 3 сентябре, чәршәмбе

Террорчылыкка каршы көрәштә теләктәшлек көнендә Лаешның мөмкинлекләре чикләнгән балалар һәм яшүсмерләр өчен тернәкләндерү үзәгендә хәтер сәгате узды.

Балалар Бесландагы вакыйгалар тарихын ишеттеләр. Барлык һәлак булганнарны бер минут тынлык белән искә алдылар. Һәлак булганнар истәлегенә балалар кәгазь торналар ясадылар.

Шулай ук балаларга куркынычсызлык кагыйдәләре турында сөйләделәр, коткару хезмәтләренең телефоннарын искә төшерделәр.