Буа интернат-йортында «Татарстанда җәй» фестивале узды

2025 елның 29 августы, җомга

Буа өлкәннәр һәм инвалидлар интернат-йортының социаль хезмәт алучылары җирле ветераннар (пенсионерлар) иҗтимагый оешмасының «көмеш» волонтерлары һәм мәдәният йорты хезмәткәрләре белән бергә «Татарстанда җәй» фестиваленә кушылдылар.

Фестиваль кысаларында бөтен республика буенча махсус эшләнгән программалар буенча бөтен гаилә өчен күңел ачу һәм мәдәни чаралар уза.

«Көмеш» волонтерлар һәм мәдәният йорты хезмәткәрләре концерт программасы белән килде, ә учреждение белгечләре саф һавада тәм-томнар һәм җиләк-җимешләр белән чәй өстәле оештырды.