«Өмет» үзәгендә суицидаль тотышны профилактикалау буенча акция уздырдылар

2025 елның 27 августы, чәршәмбе

Биектау районында «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Алия Нигъмәтҗанова «Тормыш позитивта» дигән акция үткәрде.

Бер ай дәвамында үз-үзеңне ышанычлы тотуны формалаштыруга, агрессияне бетерү ысулларын өйрәнүгә, уңай фикерләү һәм коммуникатив күнекмәләр формалаштыруга, эмоциональ сизгерлекне үстерүгә, стресслы ситуацияләрдә үз-үзеңне тоту стратегияләренә өйрәтүгә һәм психоэмоциональ киеренкелекне бетерүгә юнәлдерелгән чаралар үткәрелде.

Шулай ук балалар һәм өлкәннәргә ышаныч телефоннары номерларын искә төшерделәр.