Югары Ослан интернат-йортында шахмат сөючеләр яши
Югары Ослан өлкәннәр һәм инвалидлар интернат-йортында «Шах Һәм мат» шахмат клубында чираттагы дәрес узды. Аны «көмеш» волонтер, яшүсмерләр-яшьләр клубы тренеры Александр Марахтанов алып бара – әлеге учреждение белән интернат-йорт арасында тыгыз социаль партнерлык җайга салынган.
Бу юлы шахмат сөючеләр яңадан тактик комбинацияләр төзүдә һәм логик фикерләүдә ярыштылар. Тренер җитәкчелегендә алар уйнаган партияләрне анализладылар, хаталары өстендә эшләделәр.
Түгәрәк даими шөгыльләнүче сигез социаль хезмәт алучыны берләштерә. Башка теләүчеләр дә килә. Социаль хезмәтләр алучыларның кичке мәшгульлеген оештыру кысаларындагы мондый чараларга аеруча ихтыяҗ зур.
Тернәкләндерү нәтиҗәсе зур: яшәүчеләр үзләренең когнитив һәм коммуникатив күнекмәләрен үстерәләр, аларга үзләрен команданың бер өлеше итеп тою ошый, һәр җиңү үз көченә ышаныч бирә.