«Астра» үзәгендә музыкаль-спорт күңел ачу чарасы узды

2025 елның 5 августы, сишәмбе

Алабуга районындагы «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә «Нептун көне» музыкаль-спорт күңел ачуы оештырылды.

Балалар диңгезләр патшасы Нептун идарә иткән әкияти илгә китәләр. Аларның төп бурычы – хәзинәләр тутырылган сандыкның тылсымлы ачкычын табу иде. Моның өчен катнашучыларга кызыклы биремнәр башкарырга тәкъдим ителде.

Бәйрәм җылы һәм күңелле уен атмосферасында узды. Чара сабын куыклары тамашасы белән тәмамланды.