Яңа мобиль комплекс Зәй балаларын янгын куркынычыннан качарга өйрәтте
22 июльдә «Бөтенроссия ирекле янгын сүндерү җәмгыяте» Татарстан республика бүлекчәсенең Әлмәт бүлегенең Зәй участогы яңа белем бирү инструментын – балалар өчен махсус эшләнгән беренче мобиль укыту комплексын тәкъдир итте.
Әлеге инновацион проект интерактив уенны һәм детальле методик киңәшләрне берләштерә. Комплекс «Танып белү куркынычсызлыгы» социаль юнәлешле проектының бер өлеше булып тора, ул 2024 елда гражданлык җәмгыятен үстерүгә Татарстан Республикасы рәисе грантларын бирү конкурсында җиңүче булды.
Участок начальнигы Любовь Асташина яңа белем бирү инструментының мөһимлеген ассызыклады һәм янгын куркынычсызлыгы белән бәйле максатлар һәм проблемалар турында җентекләп сөйләде. Ул билгеләп үткәнчә, проектның төп бурычы – балаларның янгыннарны булдырмау һәм ашыгыч хәлләрдә үз-үзләрен дөрес тоту мәсьәләләренә аңлы мөнәсәбәт формалаштыру.
Алган белемнәрне ныгыту өчен мавыктыргыч викторина үткәрелде.