«Шатлык» үзәгендә рәхимсез мөгамәләдән зыян күргән балаларга ярдәм күрсәтәләр
Зәй районында «Гаилә» милли проекты кысаларында көч куллануны кисәтүгә, мәрхәмәтсез мөгамәлә очракларын вакытында ачыклауга һәм зыян күргән балаларга тиешле ярдәм күрсәтүгә юнәлдерелгән чаралар гамәлгә ашырыла.
«Шатлык» халыкка социаль хезмәт күрсәтү комплекслы үзәге 2024-2025 елларга балалар иминлеген тәэмин итүнең төбәк системасын үстерү буенча чаралар комплексын гамәлгә ашыруда катнаша. Программада катнашу рәхимсез мөгамәләдән зыян күргән балигъ булмаганнар белән эшләү буенча күрсәтелә торган хезмәтләр һәм методикалар спектрын киңәйтергә мөмкинлек бирде.
Төп яңалыкларның берсе «Эмоциональ арт-конструктор» уникаль арт-терапевтик технологиясе булды. Технология балалар һәм яшүсмерләрнең эмоциональ өлкәсен диагностикалауга һәм үстерүгә юнәлдерелгән методикадан гыйбарәт. «Эмоциональ арт-конструктор» технологиясе социаль хезмәт күрсәтүдә торучы балаларның адаптив сәләтләрен арттыра, әйләнә-тирә дөнья белән үзара хезмәттәшлек сыйфатын яхшырта.
Чаралар комплексы балаларның хокукларын һәм мәнфәгатьләрен бозуны профилактикалауга, аларның һәрьяклап үсешен тәэмин итүгә һәм физик һәм психик сәламәтлеген саклауга юнәлдерелгән.