Югары Ослан районында профилактик рейдлар уздыралар
Югары Ослан районында «Яшүсмер–2025» ведомствоара профилактик операциясе кысаларында рейдлар дәвам итә. Белгечләр социаль яктан куркыныч хәлдә булган һәм профилактик учетта торучы гаиләләргә чыгалар. Әлеге рейдларның бурычы – балаларның имин яшәү шартларын тәэмин итү.
Профилактика системасы субъектлары белгечләре районның 6 торак пунктында 9 гаиләдә булдылар, аларда 23 балигъ булмаган бала тәрбияләнә. Рейд барышында бу гаиләләрдәге яшүсмерләргә җәйге чорда эшкә урнашу өчен вакансияләр тәкъдим ителде. Гаиләгә һәм балаларга социаль ярдәм бүлекчәсе белгечләре гаиләләрнең торак-көнкүреш шартларын тикшерделәр, янгын куркынычсызлыгы чараларын үтәү буенча инструктажлар үткәрделәр, автоном хәбәрчеләрнең төзеклеген тикшерделәр. Ата-аналар һәм балалар белән әңгәмәләр үткәрелде, балаларга суда үз-үзеңне тоту кагыйдәләре турында искә төшерделәр.