Казан психологлары гаиләләргә ярдәм күрсәтү буенча эш тәҗрибәсен тәкъдим иттеләр
Казан шәһәре Авиатөзелеш районының гаиләгә һәм балаларга социаль ярдәм бүлекчәсе базасында «Балигъ булмаганнарның психоэмоциональ җәрәхәтләрен җиңүгә юнәлдерелгән нәтиҗәле практикалар: Казан шәһәренең халыкка социаль хезмәт күрсәтү комплекслы үзәге тәҗрибәсе» стажировка мәйданчыгы оештырылды. Стажировка мәйданчыгы эшендә Татарстан Республикасы Хезмәт, халыкны эш белән тәэмин итү һәм социаль яклау министрлыгы карамагындагы учреждениеләрнең белгечләре һәм җитәкчеләре катнашты.
Үзәк психологлары балигъ булмаганнарга һәм аларның гаиләләренә психотравманы җиңүдә ярдәм күрсәтү буенча инновацион социаль практиканы гамәлгә ашыру тәҗрибәсен тәкъдим иттеләр.
Секцияләр эше барышында ярдәм күрсәтү алгоритмнарына, методологиягә, инструментариягә, коррекция һәм тернәкләндерү эшенең үзенчәлекләренә, сенсор бүлмәләре җиһазларын куллану үзенчәлекләренә, документаль озатуга зур игътибар бирелде. Шулай ук практик юнәлешле блок кысаларында белгечләр диагностик инструментарийлар белән таныштылар, арт-терапевтик техникалар, метафорик ассоциатив карталар, индивидуаль һәм төркем форматында эшләү методикалары белән эшләү күнекмәләрен үзләштерделәр.
Практик юнәлешле стажировка мәйданчыгы эше катнашучыларга үз территорияләрендә гаиләләргә ярдәм күрсәтү буенча инновацион техниканы һәм алымнарны кертергә мөмкинлек бирәчәк.