«Кама таңнары» приютында тәрбияләнүчеләр өчен профилактик чара үткәрелде
Менделеевск районының «Кама таңнары» балалар һәм яшүсмерләр өчен социаль приютында тәрбияләнүчеләрнең янгын куркынычсызлыгы кагыйдәләре буенча белемнәрен ныгыту, үз гомерләре өчен җаваплылык хисе тәрбияләү максатында профилактик чара үткәрелде. Балалар ребуслар, табышмаклар чиштеләр, уен программасы темасына листовкалар ясадылар, уеннарда һәм конкурсларда актив катнаштылар.
Аннары тәрбияләнүчеләр шәһәрнең янгын сүндерү бүлегенә чакырылды, анда аларны тулы бер янгын каравылы каршы алды. Балаларны, әлбәттә, янгын сүндерү машиналары кызыксындырды. Балалар янгын сүндерү техникасы турында зур игътибар белән тыңладылар, аларга автомобильләрнең ничек җиһазланганын, теге яки бу предметның ни өчен хезмәт итүен күрсәттеләр. Шулай ук кунакларга янгын сүндерүченең ничек һәм нәрсә белән коралланганын сөйләделәр һәм күрсәттеләр.
Экскурсия ахырында тәрбиячеләр балаларга янгын куркынычсызлыгы кагыйдәләрен искә төшерделәр.