Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

Башкалада лицеистлар Балы узачак

2013 елның 19 ноябре, сишәмбе

20 ноябрьдә Пирамида концертлар залында Татарстан тарихында бишенче тапкыр Лицеистлар балы узачак. Балга ТР Хезмәт, халыкны эш белән тәэмин итү һәм социаль яклау министры А.Р.Шәфигуллин, ТР Премьер-министры урынбасары - ТР мәгариф һәм фән министры Э.Н.Фәттахов, ТР Министрлар Кабинеты Аппараты социаль үсеш идарәсе башлыгы И.Ф.Бәдриев һәм башкалар чакырулы.
Бәйрәмдә ТР һөнәри белем учреждениеләреннән килгән 700 ләп лицеист катнашачак. Алар - укуда, спортта, бәйгеләрдә, сәнгатьтә алдынгы булган укучылар.
Республикада эшче һөнәрләрне популярлаштыруга аеруча зур игътибар бирелә. Бу җыен исә шушы максатка ирешүдә аеруча зур роль уйный торган чараларның берсе.

Министрлыкның матбугат хезмәте үзәге

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Бөтенроссия эшкә урнаштыру ярминкәсенең төбәк этабы 17 апрельдә узачак

Соңгы биш елда Татарстан икътисадына 92 меңнән артык кеше җәлеп ителгән. Республикада мәшгульлек дәрәҗәсе Россиядәге уртача күрсәткечләрдән югарырак, әмма билгеле бер дисбаланс саклана: 49 мең вакансия булганда рәсми рәвештә 3,6 мең эшсез теркәлгән. Бу хакта Татарстан Республикасы хезмәт, халыкны эш белән тәэмин итү һәм социаль яклау министры урынбасары Клара Таҗетдинова Бөтенроссия Эшкә урнаштыру ярминкәсенең төбәк этабын уздыруга багышланган матбугат конференциясендә сөйләде.

Яшел Үзән кадрлар үзәгенең яшүсмерләрне эшкә урнаштыру тәҗрибәсе иң яхшысы дип табылды

Яшел Үзәннең «Россия эше» кадрлар үзәге «Яшүсмерләрне җаваплы эшкә урнаштыру» Бөтенроссия конкурсында «Закон белән конфликтта булган һәм авыр тормыш хәлендә булган балигъ булмаганнарны эшкә урнаштыруның иң яхшы практикасы» номинациясендә җиңеп, югары бүләккә лаек булды.

апрель, 2026 ел

«Апрель» тернәкләндерү үзәге 25 еллыгын билгеләп үтте

Казанда «Апрель» мөмкинлекләре чикләнгән балалар һәм яшүсмерләр өчен тернәкләндерү үзәгенең юбилей кичәсе узды. Бәйрәм чарасы «Могҗизалар илендә 25 ел: апрель әкияте» дигән символик исем астында узды һәм юбилей уңаеннан тантана гына түгел, ә бу елларда көн саен чын могҗизалар кылган, балаларга беренче адымнарын ясарга, талантларын ачарга, авырлыкларны җиңәргә һәм үз-үзләренә ышанырга ярдәм иткән кешеләр турында җылы, эмоциональ хикәя булды.

Социаль хезмәтләр алучылар «Абилимпикс» чемпионатының төбәк этабында уңышлы чыгыш ясый

Яр Чаллы медицина көллиятендә инвалидлар һәм сәламәтлек мөмкинлекләре чикләнгән затлар арасында һөнәри осталык буенча «Абилимпикс» чемпионатының төбәк этабы узды.

ЯҢАЛЫКЛАРГА ЯЗЫЛУ