«Кайгырту» приютында «Балачак куркынычсызлыгы» акциясе кысаларында дәрес үткәрделәр

2025 елның 3 июле, пәнҗешәмбе

Балалар травматизмын профилактикалау буенча «Балачак куркынычсызлыгы» акциясе кысаларында Алексеевск районының балалар һәм яшүсмерләр өчен «Кайгырту» социаль приютында «Нәрсә? Кайда? Кайчан?» уены үткәрделәр.

Дәрес саф һавада җәйге хәрәкәтчән уеннар турында үткән материалны кабатлаудан башланды. Мәгълүмат блогында тәрбияче Виктор Лифанов уеннар барышында саклык чараларын үтәү зарурлыгын искәртте. Куркынычсызлык кагыйдәләре буенча белемнәрен тикшерү өчен, балалар уен-викторинада катнаштылар.

Балалар юл хәрәкәте кагыйдәләре һәм урамда куркынычсызлык нигезләре буенча яхшы белемнәрен күрсәтеп кенә калмадылар, сәламәтлекләрен саклау өчен аларны үтәүнең мөһимлеген дә аңладылар.