Казанда социаль хезмәт күрсәтү үзәге психологлары яшүсмерләр гаиләләре белән актив эшли
Казанның Мәскәү районындагы гаиләгә һәм балаларга социаль ярдәм бүлеге психологлары 2024–2025 елларга балаларның иминлеген тәэмин итүнең төбәк системасын үстерү буенча чаралар комплексын гамәлгә ашыруны тәэмин итү максатларында балигъ булмаганнар һәм социаль хезмәт күрсәтүдә торучы гаиләләрдәге ата-аналар белән индивидуаль, шулай ук гаилә психологик консультацияләре үткәрә.
Ата-аналар балигъ булмаган яшүсмерләрнең тотрыксыз психоэмоциональ халәте проблемасы белән психологка ярдәм сорап мөрәҗәгать итә. Яшүсмерләрне тискәре һәм уңай хис-кичерешләр тулыландыра, алар аңлатуга һәм контрольгә аз бирелә. Еш кына бу ата-аналарга тискәре мөнәсәбәт һәм шәхси ирекне актив яклау белән бергә бара.
Бүлекчә психологлары гаиләдә үзара хезмәттәшлекнең конструктив формаларын формалаштыру буенча «Гармониягә омтылу» программасы кысаларында балигъ булмаганнар һәм ата-аналар белән диагностик һәм коррекцион эш алып баралар, ул гаилә мөнәсәбәтләре культурасын үстерүгә, үз хис-кичерешләреңне аңлау һәм конструктив белдерү сәләтенә, шулай ук эмпатиягә сәләткә юнәлдерелгән.
Гаилә әгъзаларының эчке халәтен төзәтүдә иң зур нәтиҗәләргә үз-үзеңне танып белү һәм үз-үзеңне белдерү өчен махсус инструмент – «Эмоциональ арт-конструктор» куллану ярдәм итә. Образ һәм төс, актуаль эчке халәт белән метафорик бәйләнгән булып, көтелмәгән нәтиҗәләргә һәм ачышларга китерергә, үзара аңлашу проблемаларын хәл итүнең эчке эзләнүен активлаштырырга мөмкин.