«Шәфкать» үзәгендә социаль хезмәткәрләр өчен чара уздырдылар
Аз хәрәкәтләнүче гражданнарны карау – катлаулы һәм җаваплы бурыч, ул махсус күнекмәләр, белемнәр һәм куркынычсызлыкның билгеле бер кагыйдәләрен үтәүне таләп итә. Аз хәрәкәтләнүче гражданнарга өйдә ярдәм күрсәтүче социаль хезмәткәрләр тәрбияләнүчеләрне карау һәм яңа тормыш шартларына җайлаштыруның төп ысулларын белергә тиеш.
Яңа хезмәткәрләрнең квалификациясен күтәрү максатында Түбән Кама районының «Шәфкать» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлеге шәфкать туташы Оксана Пещерова алар белән «Карау мәктәбе» социаль технологиясе кысаларында очрашу үткәрде.
Алынган белем һәм күнекмәләр социаль хезмәткәрләргә аз хәрәкәтләнүче гражданнарны сыйфатлы һәм имин карау мөмкинлеге бирәчәк, аларның тормыш сыйфатын яхшыртуга һәм уңайлылык дәрәҗәсен күтәрүгә ярдәм итәчәк.