Үзенчәлекле кунаклар һәм аларның гаиләләре өчен онытылмас сәяхәт

2025 елның 30 мае, җомга

«Гаилә» илкүләм проектын, «Социаль туризм» социаль практикасын гамәлгә ашыру кысаларында Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең көндезге тору бүлеге мөдире Лилия Ситдыйкова социаль хезмәт алучылар һәм аларның ата-аналары өчен М-8 теплоходында мавыктыргыч сәфәр оештырды.

Кама буйлап Яр Чаллыдан Түбән Камага сәяхәт бик күп шатлыклы мизгелләр бүләк итте. Рәссам Әхсән Фәтхетдинов музеенда, Кызыл Чишмәдә, «Гаилә» паркында булдылар.

Бу экскурсия үзенчәлекле ихтыяҗлары булган кешеләр һәм аларның гаиләләре өчен мондый чараларның никадәр мөһим булуын күрсәтте, чөнки алар үзләрен зур дөньяның бер өлеше итеп тоярга һәм яшәү өчен яңа көчләргә ия булырга ярдәм итәләр.