Яр Чаллыда Йөкле хатын-кызлар көненә багышланган чаралар узды
2025 елның гыйнварыннан «Гаилә» илкүләм проекты гамәлгә ашырыла, ул «Демография» илкүләм проектының киңәйтелгән дәвамы булып тора, ул туучылар санының тотрыклы үсешен тәэмин итү, балаларны тәрбияләүне, белем алуны һәм ата-аналарны һөнәри яктан гамәлгә ашыруны уңышлы алып бару өчен шартлар тудыру бурычын хәл итә. Туучылар санын арттыруның төп юнәлешләренең берсе – йөклелек чорында хатын-кызга һәрьяклап ярдәм итү. Бу юнәлешне үстерү өчен илдә төрле инициативалар оештырылган.
Апрель аенда Яр Чаллының «Ышаныч» халыкка социаль хезмәт күрсәтү комплекслы үзәгенең социаль эш буенча белгече Альмира Зарипова Йөкле хатын-кызлар көненә багышланган чаралар оештырды.
Эш барышында булачак әниләр социаль ярдәм чаралары, аларны рәсмиләштерү тәртибе, яңа туган баланың документларына таләпләр белән таныштылар, шулай ук балалы гаиләләргә илкүләм проект буенча ярдәм күрсәтү турында тулы актуаль мәгълүмат алдылар.
Иҗади мастер-классларда хатын-кызлар картиналар һәм чәчәк бәйләмнәре ясадылар. Иҗат процессы булачак әниләргә көндәлек мәшәкатьләрдән арынырга, үз сәләтләрен ачарга һәм энергияләрен уңай якка юнәлтергә ярдәм итте.