Татарстанда «Мөмкинлекләр фестивале» тәмамланды

2025 елның 29 апреле, сишәмбе

29 апрельдә Казан технология һәм дизайн көллияте базасында Инвалидлар һәм сәламәтлек мөмкинлекләре чикләнгән затлар арасында һөнәри осталык буенча «Абилимпикс» төбәк чемпионаты кысаларында II Республика «Мөмкинлекләр фестивале» тәмамланды.

Фестивальдә 6 социаль хезмәт күрсәтү учреждениесеннән һәм мәгариф оешмаларыннан 30 кеше катнашты. Чара программасында 6 компетенция буенча биремнәр бар иде. Һәр катнашучы һөнәри күнекмәләрен, осталыгын күрсәтә һәм үзенең уникаль эшләнмәсен башкара алды. Барысына да сертификатлар һәм бүләкләр тапшырылды.