Лениногорскида «Мөмкинлекләр фестивале» уздырдылар

2025 елның 25 апреле, җомга

24 апрельдә Лениногорск музыка-сәнгать педагогика көллияте базасында «Абилимпикс» төбәк чемпионаты кысаларында II Республика «Мөмкинлекләр фестивале» узды.

Чарада 5 социаль хезмәт күрсәтү учреждениесеннән һәм мәгариф оешмаларыннан 26 кеше катнашты. Сәламләү сүзе белән катнашучылар алдында Һөнәри компетенцияләрне үстерү үзәгенең мәгариф өлкәсендә проектларны үстерү юнәлеше җитәкчесе Аделя Исхакова, «Исток-Башлангыч» халыкка социаль хезмәт күрсәтү комплекслы үзәге директоры Елена Әхмәтҗанова чыгыш ясадылар.

Чара программасында 5 компетенция буенча биремнәр бар иде. Һәр катнашучы һөнәри күнекмәләрен, осталыгын күрсәтте һәм үзенең уникаль эшләнмәсен башкарды. Барысына да сертификатлар һәм истәлекле бүләкләр тапшырылды.