«Өмет утравы» үзәгендә җимлекләр ясау буенча мастер-класс оештырдылар

2025 елның 15 апреле, сишәмбе

Экологик белемнәр көне уңаеннан Югары Ослан районының «Өмет утравы» комплекслы үзәгендә көндезге тору төркемендә катнашучылар өчен мавыктыргыч мастер-класс узды.

Яшьләр гади пластик шешәләрне кошлар өчен файдалы җимлекләргә әверелдерергә өйрәнделәр. Белгечләрнең сизгер җитәкчелегендә эшләделәр. Әзер җимлекләрне үзәк бинасы янындагы агачларга элеп куйдылар.

Бу мастер-класс катнашучыларга иҗат шатлыгын бүләк итеп кенә калмыйча, башкарган игелекле эшләре белән горурланырга да мөмкинлек бирде.