«Кайгырту» приютындагы балалар экологик дәрестә катнаштылар

2025 елның 1 апреле, сишәмбе

Бөтендөнья Җирне яклау көне уңаеннан Алексеевск районының «Кайгырту» балалар һәм яшүсмерләр социаль приютында тәрбияләнүчеләр станцияләр буенча уенда катнаштылар. Чараны тәрбияче Наталья Королева үткәрде.

Уен кечкенә әңгәмәдән башланып китте, аның барышында балалар заманның төп экологик проблемалары турында белделәр. Аннары балалар, ике командага бүленеп, станцияләр буенча төрле биремнәр башкардылар: табышмакларны чиштеләр, конкурсларда һәм викториналарда катнаштылар.

Балалар барлык станцияләрне дә актив һәм кызыксынып узып кына калмадылар, ә хайваннар дөньясы, табигатьтә үз-үзеңне тоту кагыйдәләре турында бик күп кызыклы һәм файдалы нәрсәләр белделәр.