Министр урынбасары Юлия Абдреева округ форумында катнашты
26 мартта Түбән Новгородта социаль ятимлекне профилактикалауның нәтиҗәле практикаларына багышланган «Беренче урында гаилә» округ форумы узды. Анда Идел буе федераль округының барлык 14 субъектыннан профилактика органнарының 500дән артык белгече һәм балалар өлкәсе экспертлары катнашты. Татарстан Республикасыннан форумда ТР хезмәт, халыкны эш белән тәэмин итү һәм социаль яклау министры урынбасары Юлия Абдреева да катнашты.
Форумда профилактика белгечләренең ведомствоара хезмәттәшлеге, балалы гаиләләргә аерылмыйча ярдәм итүнең нәтиҗәле практикасы, ата-ана хокукларын торгызу, шулай ук бәйлелекләре булган әниләрне һәм әтиләрне тернәкләндерү кебек мәсьәләләр буенча фикер алыштылар.
Татарстанда 2015 елдан социаль ятимлекне профилактикалау буенча «Аеклык ноктасы» проекты гамәлгә ашырыла. Проектның максаты – балигъ булмаган балаларның алкогольне чиктән тыш күп кулланучы ата-аналарында ныклы ремиссия булдыру һәм ата-ана хокукларыннан мәхрүм ителүне булдырмау. Проект ярдәмендә 2015–2024 елларда 870 кеше дәваланган. 682 кеше дәвалануның тулы курсын уңышлы узган һәм программаны тәмамлаган, бу проектта катнашучы гаиләләрендәге 1 359 балага үз гаиләләрендә яшәргә һәм ятим калмаска мөмкинлек биргән.
«Гаилә беренче урында» округ форумы «Гаилә» милли проектының бурычларын хәл итү кысаларында оештырылды.