Татарстанда «Мөмкинлекләр фестивале» узачак
Инвалидлар һәм сәламәтлек мөмкинлекләре чикләнгән затлар арасында һөнәри осталык буенча «Абилимпикс» чемпионатының төбәк этабы кысаларында 2 апрельдән 30 апрельгә кадәр Татарстанда икенче тапкыр үсешләрендә авыр һәм күптөрле тайпылышлар булган затлар өчен «Мөмкинлекләр фестивале» узачак.
Фестиваль иҗади конкурс булып тора һәм катнашучыларга аерым хезмәт функцияләрен үтәү буенча үзләренең һөнәри күнекмәләрен күрсәтү, 14 яшьтән өлкәнрәк инвалид һәм сәламәтлек мөмкинлекләре чикләнгән затларга һөнәри һәм шәхси потенциалын үстерү мөмкинлеге бирүне күздә тота.
Быел фестиваль республиканың 10 муниципаль берәмлегендә, 11 мәйданчыкта узачак.
Фестивальдә халыкка социаль хезмәт күрсәтү учреждениеләреннән, мәгариф оешмаларыннан, озатып йөрүче затлардан, волонтерлардан һәм экспертлардан 500дән артык кеше катнашачак.
Фестивальне оештыручылар: Татарстан Республикасы Хезмәт, халыкны эш белән тәэмин итү һәм социаль яклау министрлыгы, Татарстан Республикасы Мәгариф һәм фән министрлыгы, «Һөнәри компетенцияләрне үстерү үзәге» АКБО.