Иҗади дәресләрдә балаларга экологик тәрбия бирү

2025 елның 17 марты, дүшәмбе

Экологик тәрбия кысаларында Алабуга районының «Астра» мөмкинлекләре чикләнгән балалар һәм яшүсмерләр өчен тернәкләндерү үзәге тәрбиячесе Лилия Кашапова практик дәрес үткәрде, анда чикләвек кабыгыннан кул эшләре ясадылар.

Дәреснең максаты тәрбияләнүчеләрне бергәләп иҗат иткәндә табигый материалны кулланырга өйрәтү иде.

Дәрес барышында балалар икенчел чималны төрле сәнгать эшләрендә файдаланып, планетаны артык чүп-чардан саклап калу мөмкинлеге турында белделәр. Мондый дәресләр балалар өчен кызыклы.