«Өлкән буын» проекты: өлкәннәр турында кайгыртып

2025 елның 25 феврале, сишәмбе

«Гаилә» милли проектының «Өлкән буын» федераль проекты кысаларында «Тәтеш балкышы» халыкка социаль хезмәт күрсәтү комплекслы үзәгенең махсус автотранспорты белән авыл җирендә яшәүче 65 яшьтән өлкәнрәк гражданнарны диспансерлаштыру һәм профилактик тикшерү, өстәмә медицина тикшерүе, диспансер күзәтүе, скрининг тикшерүе һәм вакциналаштыру өчен район хастаханәсенә китерү дәвам итә.

Авыл кешеләрен китерү бушлай башкарыла. Чаралар расланган график нигезендә башкарыла. Кирәк булганда яисә хәрәкәт итүдә чикләүләр булганда өлкән кеше яшәү урыныннан медицина оешмасына китерелә һәм кире кайтарыла.

Ел башыннан проектта Тәтеш районының 100 дән артык авыл кешесе катнашкан инде.