Югары Ослан районында социаль-тернәкләндерү консилиумы утырышы узды
Югары Ослан районында муниципаль социаль-тернәкләндерү консилиумының профилактика системасы субъектлары катнашындагы чираттагы утырышы узды. Катнашучылар бер балигъ булмаган балалы гаиләгә сигнал картасын, шулай ук ике балигъ булмаган балалы бер гаиләне патронажлауның башлангыч этабы йомгакларын карадылар.
Утырыш йомгаклары буенча консилиум әгъзалары балигъ булмаганнар эшләре һәм аларның хокукларын яклау буенча район комиссиясенә икенче гаиләне патронажлауның төп этабына күчерүне сорап мөрәҗәгать итәргә карар кылды.
Сигнал картасын карау нәтиҗәләре буенча гаилә иминсезлеге ачыкланмады, гаиләне ведомствоара исәпкә кую өчен нигезләр юк.
20 февральгә «Татарстан Республикасында социаль куркыныч хәлдә булган гаиләләрне һәм балигъ булмаганнарны исәпкә алу һәм мониторинглау» системасында Югары Ослан муниципаль районыннан алты гаилә тора, аларда унике балигъ булмаган бала тәрбияләнә.