Татарстанлыларны «Күпбалалы Россия» Бөтенроссия проектында катнашырга чакыралар
2025 елда Авыр тормыш хәлендә калган балаларга ярдәм фонды «Мәскәү шәһәренең күпбалалы гаиләләр берләшмәсе» төбәк иҗтимагый оешмасы белән партнерлыкта «Күпбалалы Россия» Бөтенроссия проектын гамәлгә ашыруны дәвам итә.
Проект күпбалалы гаиләләрнең уңай образын формалаштыруга, балалы гаиләләрнең тормыш сыйфатын яхшырту бурычларын хәл итүгә юнәлдерелгән. Проект чараларында күпбалалы гаиләләрнең иҗтимагый берләшмәләре, күпбалалы гаиләләр, социаль юнәлешле коммерциячел булмаган оешмалар, дәүләт һәм муниципаль учреждениеләр катнаша.
«Күпбалалы Россия» Бөтенроссия проекты күпбалалы гаиләләргә «Күпбалалы Россия» күпбалалы гаиләләр форумында һәм «Сәламәт гаилә – көчле Россия» Бөтенроссия спорт фестивалендә катнашырга тәкъдим итә. Алар Балачак унъеллыгының төп чаралары планын гамәлгә ашыру кысаларында үткәрелә.
Конкурслар турында тулырак мәгълүмат һәм катнашучы анкетасы проект сайтында урнаштырылган.