Казанның көндезге тору бүлеге яшьләре өчен инклюзив иҗади лаборатория оештырылган
«Гаилә» милли проектының «Өлкән буын» федераль проекты кысаларында, «Әкият» балалар үзәге ярдәмендә Казанның халыкка социаль хезмәт күрсәтү үзәгенең көндезге тору бүлегендә социаль хезмәт алучылар үзләренең иҗади сәләтләрен һәм коммуникатив күнекмәләрен үстерәләр.
Шушы көннәрдә «Инклюзив иҗади лаборатория» күчмә чарасы оештырылды. Мавыктыргыч интерактив дәрес рәсем ясау процессын әкият терапиясе белән берләштерде. Башта кунаклар күләгә театрында булдылар, анда аждаһа турында әкият тыңладылар, аннары, театр сәнгатенең серенә кагылып, сценарий язучылар һәм куючылар ролендә чыгыш ясадылар.
Чараның икенче өлешендә рәсем ясау буенча мастер-класс оештырылды. Дәресләрдә арт-техника куллану яңа образлар тудырырга, күзаллауны, сөйләмне үстерергә мөмкинлек бирә, эстетик тәрбия өчен мөмкинлекләр ача, бу исә менталь тайпылышлары булган кешеләр өчен мөһим.
Мондый күчмә чаралар балаларның уңай кызыксынуын формалаштырырга, белемнәрен үстерергә генә түгел, ә аларга социаль-мохит белемнәрен һәм күнекмәләрен, шәһәр мохитендә үз-үзеңне тоту кагыйдәләрен, шулай ук коммуникатив күнекмәләрен ныгытырга мөмкинлек бирә.