Биектау районында инвалид балалары булган гаиләләр хәйрия ярдәме алдылар

2025 елның 31 гыйнвары, җомга

«Гаилә» милли проектының «Гаиләгә ярдәм» федераль проектын гамәлгә ашыру кысаларында Биектау районының «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре «Альпари» хәйрия фонды белән берлектә үз карамагындагыларга адреслы ярдәм күрсәтә алдылар.

Инвалид балалар тәрбияләүче дүрт гаилә махсус туклану һәм памперслар алды. Бу балалар еш кына гадәти ризыкны ашый алмыйлар, һәм дәвалау туклануы алар өчен – тормыш зарурлыгы.

Теләсә нинди ярдәм – гаиләләргә терәк һәм балалар өчен зур шатлык.