Министрлык вәкилләре ятим балалар проблемалары буенча III Бөтенрусия видеоконференциясендә катнаштылар

Бүген ятим балалар проблемалары буенча "Социаль ятимлекне кисәтү өлкәсендә иң яхшы тәҗрибә үрнәкләре, ятим һәм караучысыз калган балаларны гаиләләргә урнаштыру мәсьәләсендә төбәкләрнең нәтиҗәле  модельләре" дип исемләнгән III Бөтенрусия видеоконференциясе  уздырылды.
  Бу көнне Русиянең төрле төбәкләреннән килгән белгечләр гаиләләрдәге низагларны иртә кисәтү һәм социаль озатып бару тәҗрибәсен карап үттеләр. Аерым алганда, имин булмаган  гаиләләрне иртәрәк белү механизмнары, гаиләләрне ярдәм кабул итеп алырга өндәү, аларга махсус куратор билгеләү, читтән белгечләр җәлеп итү һәм ведомствоара йогынты, хезмәттәшлек мәсьәләренә басым ясалды.
Әлеге чарада Татарстан Республикасыннан вәкил буларак Татарстан Республикасы Хезмәт, халыкны эш белән тәэмин итү һәм социаль яклау министры урынбасары Азат Хәбибулхак улы Габделәхәтов, шулай ук  Республика  "Гаилә" гаиләгә һәм балаларга социаль ярдәм мәгълүмати-методик үзәге директоры Т.Журавлева, гаиләгә һәм балаларга социаль ярдәм бүлекләре һәм халыкны социаль тәэмин итү үзәкләрендә  аналарның сабыйларыннан баш тарту күренешен кисәтү проекты координаторы Юлия Пиядина катнаштылар.