Буаның «Гармония» үзәге өлкәннәрне медицина учреждениесенә китерүне дәвам итә

2025 елның 29 гыйнвары, чәршәмбе

Буа районының «Гармония» халыкка социаль хезмәт күрсәтү комплекслы үзәге «Өлкән буын» федераль проекты кысаларында авыл җирендә яшәүче 65 яшьтән өлкәнрәк гражданнарны район үзәк хастаханәсенә китерүне дәвам итә.

2025 елга меңнән артык өлкән яшьтәге гражданны медицина оешмаларына илтү планлаштырыла.

Мондый профилактик тикшерүләр сәламәтлекнең төрле патологияләрен иртә стадияләрдә ачыкларга мөмкинлек бирә, бу актив озын гомерлелек чорын арттыруга ярдәм итә.