Министрлыкта беренчел профсоюз оешмасының эшенә йомгак ясалды
29 гыйнварда Татарстан Республикасы Хезмәт, халыкны эш белән тәэмин итү һәм социаль яклау министрлыгының беренчел профсоюз оешмасының хисап-сайлау конференциясе узды. Анда Россия Федерациясе Дәүләт учреждениеләре һәм җәмәгать хезмәте хезмәткәрләренең гомумроссия һөнәр берлегенең Татарстан республика оешмасы рәисе Ольга Калашникова катнашты.
Чара кысаларында Министрлыкның беренчел профсоюз оешмасының 2020–2025 еллардагы эшенә йомгак ясалды, шулай ук киләсе биш елга бурычлар куелды, беренчел профсоюз оешмасының рәисе, комитет һәм ревизия комиссиясе әгъзалары сайланды.
Актив хезмәтләре һәм һөнәри казанышлары өчен Министрлык һөнәр берлегенең әгъзаларына Россия Федерациясе Дәүләт учреждениеләре һәм җәмәгать хезмәте хезмәткәрләренең гомумроссия һөнәри берлегенең Татарстан республика оешмасы бүләкләре тапшырылды.