«Астра» тернәкләндерү үзәгендә күңелле фольклор чарасы узды
22 гыйнварда Алабуга районында «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә күңелле фольклор чарасы узды.
Үзәктә халык бәйрәмнәрен үткәрү яхшы традициягә әверелде, алар кешенең әхлакый эталоннары һәм үз-үзен тотышы нормалары турында күзаллаулар формалаштыра. Педагоглар бәйрәм колядкалары оештырдылар. Балалар рус халкының фольклоры, гореф-гадәтләре, җырлары, йолалары һәм уеннары белән таныштылар.
Тәрбияләнүчеләр һәм әти-әниләр әйлән-бәйлән уйнадылар, традицион бәйрәм уеннарында катнаштылар. Катнашучылар бер-берсенә яңа елда бәхет һәм сәламәтлек теләделәр.
Бәйрәм шатлык һәм күңел ачу атмосферасы тудырды, балаларны якынайтты, дуслык һәм үзара ярдәмләшүнең мөһимлеген искә төшерде. Хезмәт алучылар гына түгел, хезмәткәрләр дә бик күп уңай хис-кичерешләр һәм яхшы кәеф алды.