Балаларны тернәкләндерү өчен гадәти булмаган музыка коралларын куллану турында
Казандагы «Кояшлы» мөмкинлекләре чикләнгән балалар һәм яшүсмерләр өчен тернәкләндерү үзәгендә кечкенә пациентларга ярдәм итүнең яңа һәм нәтиҗәле ысуллары актив кулланыла, шуларның берсе – глюкофон белән эшләү.
Глюкофон – тылсымлы авазлар тудырып кына калмый, ә балаларның эмоциональ тотрыклылыгын, иҗади сәләтләрен һәм социальләшүен үстерүгә дә ярдәм итә торган уникаль корал. Глюкофон белән шөгыльләнү стрессны киметергә ярдәм итә һәм тынычлык атмосферасы тудырып, борчылуны киметә. Бу инструменттан туган музыка үзәктә тәрбияләнүчеләргә үз хисләрен һәм кичерешләрен белдерергә, шулай ук вак моториканы һәм координацияне яхшыртырга ярдәм итә.
Белгечләр инде нәни музыкантларда уңай үзгәрешләр күргәннәр: кәефнең яхшыруы, үз көчләреңә ышанычның һәм укыту процессыннан шатлыкның артуы.
Глюкофонда дәресне укытучы-дефектолог Юлия Лякутина үткәрә.