Минзәлә интернат-йортында яшәүчеләр өчен бәйрәм чарасы оештырылды

2025 елның 14 гыйнвары, сишәмбе

13 январь көнне Минзәлә районы өлкәннәр һәм инвалидлар интернат-йортында «Барысы да Иске Яңа ел турында» дигән танып белү-уен сәгате узды.

Чара башында белгечләр катнашучыларны әлеге бәйрәмнең тарихы белән таныштырдылар. Социаль хезмәт алучыларны мавыктыргыч конкурслар һәм күңелле уеннар көтте. Күңелле разминкадан соң барысы да әдәби викторинада катнашты, Яңа ел табышмакларын чиштеләр. Шулай ук интернат-йортта яшәүчеләрне тәмле ризыклар һәм музыкаль тамаша көтә иде.