Арчада инвалидлар декадасы ябылу уңаеннан бәйрәм концерты узды

2024 елның 10 декабре, сишәмбе

Бүген Арча район мәдәният йортында инвалидлар декадасы ябылуга багышланган бәйрәм концерты булды. «Шәфкать үзәге»нең көндезге тору бүлегендә социаль хезмәтләр алучылар бу бәйрәмдә кунак булдылар.

Сәхнәдә чиксез сәләтле һәм талантлы кешеләр чыгыш ясады. Котлау сүзләре һәм нык сәламәтлек, оптимизм, иминлек һәм иҗади уңышлар теләкләре белән чара кунаклары алдында Арча муниципаль район башлыгы урынбасары Эльвира Вафина чыгыш ясады.

Чара ахырында барлык катнашучыларга дипломнар һәм бүләкләр тапшырылды.