«Шәфкать» үзәгендә инвалидлар декадасы ничек узды

Түбән Кама районының «Шәфкать» халыкка социаль хезмәт күрсәтү комплекслы үзәгендә Инвалидлар декадасы кысаларында берничә чара узды.

Шулай итеп, социаль хезмәт алучылар кинотеатрга бардылар, шәһәр китапханәләренең берсендә оештырылган чарада катнаштылар. «Тегү эше» технологиясе кысаларында территориаль иҗтимагый үзидарә рәисе Рәхилә Корбангалиева МХОга җибәрү өчен мендәрләр ясау буенча мастер-класс үткәрде.

Социаль-тернәкләндерү бүлегенең социаль хезмәтләр алучыларын «Илһам» татар эстрада ансамбле һәм «Мирас» иҗат ансамбле үзләренең чыгышы белән сөендерделәр. 29, 30 һәм 31 нче балалар бакчаларында тәрбияләнүчеләр социаль хезмәт алучыларга күңелле концерт бүләк иттеләр. Инвалидлар Туфан Миңнуллин исемендәге Түбән Кама татар драма театрына спектакль карарга бардылар, скандинав йөреше буенча марафонда катнаштылар. Алар белән хезмәт буенча инструктор Галия Петрова сувенир ясау буенча мастер-класс үткәрде.

«Шәфкать» үзәге белән тыгыз эшләүче волонтерлар өйдә социаль хезмәт күрсәтү бүлегенең социаль хезмәт алучылар өчен хәйрия акцияләре оештырдылар һәм уздырдылар.

Гаиләгә һәм балаларга социаль ярдәм күрсәтү бүлеге психологлары тренинг оештырды. Яшүсмерләр белән интерактив дәресне социаль эш буенча белгеч Ландыш Зарипова үткәрде.

Инвалидлар декадасы инвалидлык проблемалары турында хәбәрдарлыкны арттыру өчен генә түгел, мөмкинлекләре чикләнгән кешеләргә җәмгыятьнең ярдәмен һәм кайгыртуын тою мөмкинлеге дә булды.