«Шәфкать» үзәгендә гаилә клубының Яңа ел дәресе узды
Гаилә традицияләре гаиләне ныгытуда мөһим роль уйный. Бу йортның рухи атмосферасын тудыра, буыннан-буынга тапшырыла торган гомуми тормыш кыйммәтләрен формалаштыра. Ә Яңа ел гаилә традицияләренә тылсым, тормышта уңай үзгәрешләргә ышаныч өсти.
10 декабрьдә Түбән Кама районының «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге психологы Гүзәл Минһаҗева «Бәхетле гаилә әлифбасы» клубы ата-аналары белән очрашу оештырды. Дәрес гаилә эчендәге багланышларны ныгытуга, ата-аналарның бәйрәм традицияләре турында белемнәрен киңәйтүгә юнәлдерелгән иде.
Катнашучыларга күнегүләр, уен тәкъдим ителде. Шулай ук гаиләләр теләкләр теләде – бу гаилә психотерапиясе гаилә әгъзаларына мөнәсәбәтләрне җылырак итәргә ярдәм итә.
Соңыннан клубта катнашучылар үз балалары өчен прәннекләр бизәделәр.
Чара Россиядә Гаилә елы кысаларында уздырылды.