Арчаның өлкән гражданнары Яңа ел бәйрәмнәренә әзерләнә

2024 елның 9 декабре, дүшәмбе

«Демография» милли проектының «Өлкән буын» федераль проектын гамәлгә ашыру кысаларында Арча районының «Шәфкать үзәге» халыкка социаль хезмәт күрсәтү комплекслы үзәгендә социаль хезмәт алучылар белән эшләүдә гражданнарның физик һәм психологик сәламәтлеген саклауга ярдәм итә торган төрле технологияләр кулланыла. Шундый технологияләрнең берсе – тегү машинасында тегү.

Шушы көннәрдә социаль хезмәт алучылар декоратив Яңа ел итеге тегү белән шөгыльләнделәр. Яңа ел бүләкләре һәм тәм-томнары өчен гадәти булмаган матур капчык килеп чыкты.