Казанның көндезге тору бүлегендә тәрбияләнүчеләр өчен Кыш Бабай остаханәсе ачылды
Декабрьдә Казан шәһәренең халыкка социаль хезмәт күрсәтү комплекслы үзәгенең көндезге тору бүлегендә Кыш Бабай остаханәсе ачылды. Анда Яңа ел бизәнү әйберләре, уенчыклар, бүләкләр һәм открыткалар ясыйлар. Бу идеяне тормышка ашыру «Әкият» балалар үзәгенең инклюзив иҗади лабораториясе ярдәме белән мөмкин булды.
Балалар агач чыршы уенчыклары ясау буенча мастер-класста катнаштылар. Волонтерлар җитәкчелегендә социаль хезмәт алучылар куркынычсызлык техникасын өйрәнү, инструментлар белән танышу, кадак кадау, шуруповерт белән эшләү, әзер эшләнмәне эшкәртү, әзер эшләнмәне бизәү һәм буяу циклын үтәделәр. Эшнең нәтиҗәсе Яңа ел чыршысын бизәячәк агач чыршы уенчыклары булды.
Иҗат алымнары белән рекреацион чаралар буларак мондый мастер-класслар социаль хезмәтләр алучыларның уңай мәнфәгатьләрен формалаштыруда, фикерләүне, креативлыкны, сенсорлык сәләтләрен үстерүдә зур роль уйный, шулай ук социаль мәшгульлек юнәлешләренең берсе булып тора.