«Ветеран» үзәгендә Гаилә елына багышланган мастер-класс уздырдылар

2024 елның 11 ноябре, дүшәмбе

Әлмәт шәһәренең «Ветеран» инвалидларны тернәкләндерү үзәгенең иҗади остаханәсендә Россиядә Гаилә елына багышланган гадәти булмаган иҗади мастер-класс узды. Оригами техникасында катнашучылар пар аккошлар ясадылар – бу мәхәббәт һәм тугрылык символлары.

Социаль адаптация буенча белгеч Венера Гарифуллина, тәҗрибәле оригами остасы, социаль хезмәтләр алучыларга бу борынгы япон техникасының нечкәлекләрен аңларга ярдәм итте. Эш барышында катнашучылар гаилә тормышыннан истәлекләр белән уртаклаштылар, балалары, оныклары, яраткан гореф-гадәтләре һәм бәйрәмнәре турында сөйләделәр.

Оригами вак моториканы, хәрәкәтләрне координацияләүне һәм фикерләүне бик яхшы үстерә.