«Яңарыш» үзәгендә ачык гаилә көне уздырдылар
29 октябрь көнне Бөгелмәнең «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә ата-аналар өчен гомуми укыту үткәрелде.
Социаль педагог Надежда Башкирова ата-аналарга психик яктан тоткарланган, сөйләшми торган балалар белән эшләү үзенчәлекләре турында сөйләде, шулай ук сөйләм һәм сөйләм авазларын ишетү, игътибар, хәтер, вак моторика үсешенә ярдәм итүче уеннар тәкъдим итте.
Логопед Ирина Кирхеева ата-аналарны сөйләмне башлап җибәрү уеннары белән таныштырды. Аларны өй шартларында да үткәрергә мөмкин.
Ахырда ата-аналар белешмәләр алдылар. Катнашучылар гаилә белән педагогларның тыгыз хезмәттәшлегендә генә сөйләмне төзәтүдә һәм үстерүдә яхшы, сыйфатлы һәм чагыштырмача тиз нәтиҗәләргә ирешеп була дигән нәтиҗәгә килделәр.