«Демография» илкүләм проекты: медицина учреждениеләренә 1 100 өлкән яшьтәге Теләче халкын китерергә планлаштыралар
Теләче районының «Чишмә» халыкка социаль хезмәт күрсәтү комплекслы үзәге үзәк район хастаханәсе белән берлектә 65 яшьтән өлкәнрәк авыл халкын медицина учреждениеләренә илтү буенча нәтиҗәле эш алып бара.
2024 елга план 1 100 кеше тәшкил итә, шул исәптән диспансерлаштыру узу өчен – 420 кеше. Бүгенге көндә медицина учреждениеләренә 880 граждан китерелгән, шуларның 299 – диспансерлаштыруга.
Вакытында диспансерлаштыру һәм профилактик медицина тикшерүләре узу социаль әһәмияткә ия йогышлы булмаган авыруларны вакытында ачыкларга мөмкинлек бирә. Шуның белән өлкән яшьтәге гражданнарның гомер озынлыгын һәм актив озын гомерлелек чорын арттыру өчен шартлар тудырыла. «Демография» милли проекты ярдәмендә ерак авыл җирлекләрендә яшәүче өлкән буын сыйфатлы медицина ярдәменнән файдалана ала.