Татарстаннан күпбалалы гаилә МХО сугышчыларына ярдәм йөзеннән волонтерлар отряды оештырган
Татарстанның Ютазы районыннан Абрамовлар гаиләсенең төп девизы – барысын да бергә эшләү. Теләсә нинди эш бергә эшләнә. Гаилә яшь буын өчен үрнәк булып тора.
Гаилә тарихы 17 ел элек башлана. Ирина һәм Евгений храмда танышканнар, бу беренче күрүдә мәхәббәт булган. Өч ел яшьләр дус булалар, ә аннары туй ясыйлар һәм никахлашалар. Гаиләдә биш искиткеч кыз тәрбияләнә.
Ир белән хатын сәламәтлек мөмкинлекләре чикләнгән балалар өчен интернатта укытучы булып эшлиләр. Евгений балта эшен укыта, ә Ирина – тегү эше укытучысы. Эштә дә Абрамовлар бер зур гаилә кебек.
Ике ел элек Абрамовлар МХО сугышчыларына ярдәм йөзеннән «Доброшвеи» ирекле волонтерлык отряды оештырганнар. Шундый ук битараф булмаган кешеләр, «Гармония» халыкка социаль хезмәт күрсәтү комплекслы үзәге карамагындагылар белән бергә, гаилә маскировка челтәрләре, җылы киемнәр бәйли, яшелчә һәм җиләк-җимеш киптерә, махсус хәрби операциядә катнашучылар өчен азык-төлек җыя һәм җибәрә. Балалар сугышчыларга открыткалар ясый.
Абрамовлар гаиләсе – «Бөтен гаилә белән сайлауларга» конкурсында җиңүче.
Ирина һәм Евгений традицияләрне сакларга тырышалар, православие бәйрәмнәрен билгеләп үтәләр, балаларда сәламәт яшәү рәвеше күнекмәләрен тәрбиялиләр. Үз үрнәкләре белән алар җәмгыятькә күпбалалыкның зур шатлык, бәхетле гаилә икәнен исбатлыйлар.
