«Шатлык» социаль хезмәт күрсәтү үзәгендә гаилә мастер-классы үткәрделәр
Гаилә институтын ныгытуга, гаилә кыйммәтләрен үстерүгә, гаилә элемтәләрен ныгытуга һәм ишегалларында гаилә ялын оештыруга юнәлдерелгән чаралар кысаларында Зәй районының «Шатлык» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре саклагыч курчак ясау буенча мастер-класс үткәрделәр. Дәрестә балигъ булмаган социаль хезмәт алучылар һәм аларның ата-аналары катнашты.
Ата-аналар балалар белән бергәләп саклагыч курчак ясадылар, рус курчагы тарихын һәм үзенчәлекләрен белделәр. Барысының да курчаклары төрле килеп чыкты. Аларга исемнәр уйлап таптылар, аларның билгеләнеше турында фикер алыштылар, чөнки һәр гаиләдә, уртак кыйммәтләрдән тыш, индивидуаль ихтыяҗлар да бар: сәламәтлек, муллык, гаилә зураю.